ODD – Usa nga 70-anyos nga retired government officer ha Uttar Pradesh, India nga ginkilala nga hi MS Verma an nakapagtala hin national record mahuman tumutok ha adlaw nga deri napiyong ha sakob hiton usa kaoras.
Sumala kan Verma, umabot hin 25 years an pagtetraining niya para hini ha bulig han usa nga meditation guru.
Ginkilala han tumambong nga representative han India’s Book of Records an record breaking attempt ni Verma ngan ginkilala hiya kumo bag o nga record holder.
Naglalaum hi Verma nga pati an Guinness World Records in ig-aacknowledge an iya nahimo pero waray naman opisyal nga kategorya ha Guinness nga nagtatala hin maiha nga pagtutok ha adlaw.
Samtang, ginpahinumdom han mga doktor ngan eksperto nga deri probaran an pagtutok ha adlaw mahitungod napakadelikado ngan pwede makaperwisyo ha retina han aton mga mata ngan magin rason han pagkabuta.
