NATIONAL – Mahugot nga ginkondinar han Kamara an gintutu-ohan nga pagbaribad han Senado nga paghisgutan an P200 nga legislated wage hike.
Ini in mahuman nga waray mahingadayan an nasabi nga bala-udnon ha urhi nga sesyon han Senado.
Sumala kan House of Representatives Spokesperson Atty. Princess Abante, naka-andam na an House bicameral conferees para makighimangraw ngan ig-reconcile an magkaiba nga bersyon han bala-udnon, pero waray baton an Senado kabahin hini.
Pag-isplikar ni Abante, dismayado an house bicam conferees mahitungod nga andam na hira depinsaran an P200 nga legislated wage hike, pero nahibaruan nala han mga ine nga waray intensyon an Senado nga makighimangraw ha ira.
Pagklaro ni Abante, an 200 ka pesos nga legislated wage hike nga iginduduso han Kamara in mahugot nga gin-istudyohan ngan diri ini matutudlok nga “reckless proposal.”
Dugang pa niya, katungod han publiko nga masabtan an rason han Senado kun kay ano waray mahingadayan an nasabi nga bala-udnon nga bersyon han Kamara.
