NATIONAL – Plano nga magmosyon ni Senador Ronald “Bato” dela Rosa para kwestyunon an hurisdiksyon han 20th Congress ha impeachment case kontra kan Vice President Sara Duterte.
Ha presscon, ginpahayag ni dela Rosa nga papakianhan niya an Senate 20th Congress kun andam an mga ine nga mapailarom ha ira mga nagin pitad han 19th Congress kasumpay ha impeachment complaint kan Duterte.
Pag-eksplikar han senador, kun nahimo nga pakianhan han Senate impeachment court an Kamara han 20th Congress kun binding han ira nagin aksyon han 19th Congress han Kamara in kinahanglan makwestyon gihapon an bag-o nga komposisyon han Senado kun may hurisdiksyon hira agud igpadayon an impeachment trial.
Gin klaro naman han magbabalaod nga personal ine niya nga pagtu-o nga kinahanglan gihapon pakianhan an Senador ngan naglalaum hira aabuyunan ine han mga kaupod nga senador ha Duterte bloc.
Dire naman klaro kun utro nga ginduduso ni dela Rosa an pagbasura ha impeachment case ni VP Sara.
