NATIONAL– Nanawagan an mga jeepney driver ngan ride-hailing app drivers ha gobyerno nga aprubaran an ira hirit nga fare hike increase kumo baton ha padayon nga paghitaas hiton presyo han produktong petrolyo.
Sumala kan Boy Vargas, Presidente han Alliance of Transport Operators and Drivers Association of the Philippines (ALTODAP), madugay na nga naghuhulat an mga jeepney drivers ha baton hiton gobyerno ha ira petisyon para ha provisional fare increase nga ginpasaka 3 katuig na an nakakalabay.
Sinugundahan naman ine han Transport Network Vehicle Services (TNVS), nga hangyo gihapon nira an fare hike tikang pa hadton 2023, pero waray la gihapon ine ka-aprubari.
Manunumduman, an gobyerno in nag-alutaga hin P2.5 billion para ha fuel subsidy ha ilarom han 2025 national budget agud nga mabuligan an mga public utility drivers, parag-uman, ngan parupangisda.
