TACLOBAN CITY- Pormal na nga gindumara an groundbreaking ceremony para han pagtitindugon nga Tacloban City Philippines Temple han The Church of Jesus Christ of Latter-day saints, nga kun diin, ginlalauman nga mahuhuman ha sulod hin duha ka tuig.
Sumala kan Elder Michael Strong, nga ini nga lugar in magigin baraan ngan puno hin kamurayawan.
Dugang pa ni Elder Strong nga pinaagi han pagtitindog han templo in makakabulig para liwat mas mapahurugot pa an partnership han komunidad.
“I hope the church will continue to grow and be an important contributing member of this community. Tacloban City is a beautiful place and we hope that the church will be able to be an important community partner to build faith in the people of Tacloban and also to help those who are in need and just to make the community a better place.” yakan ni Elder Strong
Ginyakan pa hini nga an simbahan nira in panuyo gihapon nga magpaupay an kinabuhi pinaagi han pagbubuhat hin mga humanitarian aid ngan kolaborasyon ha mga ahensya han gobyerno.
An mao nga templo in ika-walo ha trese ha bug-os nga Pilipinas, duha kaandana nga 21,407 square feet ha 6.99acre site nga nahihimutang ha Tacloban Bypass Road Brgy. Utap-Caibaan, Tacloban City.
Ginkalipay gihapon ini han mga miyembro mahitungod nga diri na nira pagkikinahanglanon pa nga bumyahe ha iba pa nga mga probinsya sugad han Alabang, Bacolod, Cagayan de Oro, Cebu City, Davao, Iloilo, Laoag, Manila, Naga, Santiago, Tuguegarao City ngan Urdaneta.
An templo han mao nga simbahan in ginkokonsidera nga “House of the Lord” nga kun diin, dinhi ginbubuhat an kasal, bunyag, ngan iba pa nga mga buruhaton nira nga mas nagpapadig-on pa han ira pagtuo.
“We love you. You’re a beautiful resilient people and we welcome you to come and worship the Lord Jesus Christ with us.”
Ginpasabot pa hini nga ha takna nga mahuman na an paghingayad in magkakaada hira hin open house ha sulod hin pira ka semana nga puydi makabisita an nga tanan nga mga interesado.
