TACLOBAN CITY- Maabot ha 47 an presente nga mga pasyente nga naka-admit ha Eastern Visayas Regional Medical Center (EVRMC) Tacloban matungod han pagigin positibo han mga ine ha COVID-19.
Sumala kan Atty. Rodolfo Peñalosa, Information Officer han EVRMC Tacloban, nga ha mao nga ihap in mahitungod han paghitaas han kaso han mao nga sakit han nakalabay nga duha ka semana. Ginpahibaro naman hine nga an ginkakarawat la han mao nga ospital in adton mayada moderate to severe nga ngan critical nga sintomas han mao nga sakit.
Samtang para naman han mga mild ngan asymptomatic in gin-oobligar iton mga tagsa-tagsa nga LGU’s an magkapot ngan maghatag hin pauna nga medikasyon ala-kontra COVID-19. Gindig-unan pa han mao nga opisyal nga an ira ginkakarawat nga mga pasyente ha mao nga ospital in mayda na daan nga referral tikang ha lokal nga pangobyernohan han syudad.
