NATIONAL–Gintugutan han International Criminal Court (ICC) hi anay Pangulong Rodrigo Duterte nga dire umatender ha iya annual detention hearing ha ika 27 han Pebrero, usa nga pitad kun diin duro nga nadismaya an mga biktima.
Ha ginpagaws nga desisyon han Pre-Trial Chamber 1 kakulop, ika 25 han Pebrero, ginmalatumat nga waray nakasaad ha legal framework han korte nga nag-oobliga ha personal nga pagatender han suspek.
Syahan na nga nagpasa an depensa hin written waiver nga nagpapamatuod nga naiintindihan ni Duterte an mga epekto han iya dire pag attender ngan ginpili nga igrepresenta nala pinaagi han iya mga abogado.
Para ha Common Legal Representatives of Victims (CLRV), an padayon nga dire pag atubang ni Duterte ha korte in duro na nakaka dismaya.
Sumala ha CLRV counsel Paolina Massiddaa, ginlalauman han mga pamilya nga makit-an an anay president nga nabaton ha mga mahistrado.
Kaluyo hine, nagpahayag hin kalipay an mga abogado ha klaro nga presentasyon han ebidensya han prosekusyon.
Samtang, gintagan hin duon gihapon han CLRV nga igpabilin nga anonymous an mga biktima ha pagpapagawas han ira mga istorya kumo importante nga pitad para ha ira seguridad ngan katalwasan.
