TACLOBAN CITY – Gin anunsyo han Eastern Visayas State University (EVSU) pinaagi ha ira Facebook page nga mayda ini pacontest para han pagdedisenyo han Hybrid Trike.
Sumala ha pamunuan han unibersidad an panuyo in para magkaada hin challenge nga kombinasyon han creativity, sustainability ngan innovation han mga estudyante labi na yana nga moderno nga panahon.
“Eastern Visayas State University proudly presents an exciting challenge that combines creativity, sustainability, and innovation! This unique competition invites students to design eco-friendly commuter vehicles powered by modern technology, while celebrating Filipino ingenuity and culture.” anunsyo nira.
Natuo an mao nga eskwelahan nga ini in magpapakita han skills ha pagdedisenyo nga mayda sustainability ngan innovation, masolusyunan an panginahanglan han mobility han campus ngan sugad man gihapon nga makaghatag hin bulig ha Income Generating Projects (IGP) han eskwelahan.
An registration deadline in kutob ha Abril 30, 2025 pinaagi ha official registration portal o di man ngani mag email ha igp@evsu.edu.ph nga kun diin, an deadline naman han pagsubmit han mga desinyo in ha Hulyo 15, 2025.
Makakakarawat hin P30,000 nga grand prize an magdadaog ngan recognition durante han Charter Day Celebration han EVSU ha Agosto 2025.
Para ha kadugangan nga detalye: https://www.facebook.com/myEVSU
