Gin ngaranan na an mga posible nga membro han House prosecution team para ha ginlalauman nga impeachment trial ha Senado kontra kan Vice President Sara Duterte.
Nangunguna ha 11-man team hi House Committee on Justice chairman at Batangas Rep. Gerville Luistro, San Juan Rep. Ysabel Zamora, Bukidnon Rep. Keith Flores, Manila Rep. Jose Chua, Rep. Terry Ridon, Akbayan Rep. Chel Diokno, Mamamayang Liberal Rep. Leila de Lima, Cagayan de Oro Rep. Lordan Suan, ngan Bicol Saro Party-list Rep. Terry Ridon.
Sumala kan Ridon, mayda mga private prosecutors nga mabulig ha mga public prosecutors, pero uunahon anay humanon an listahan han mga opisyal nga huwes.
Samtang, ginmalatumat nira Luistro ngan Chua nga presente nga ginbubug-ops an committee report nga magsusulod han resolusyon ngan Articles of Impeachment.
Ginlalauman nga maaprubahan ini buwas nga adlaw, Mayo 4, kadungan han pagbabalik-sesyon han Kamara. Kun maaprubahan, dayun ini nga igbubutang ha plenaryo ngan igpapailarom ha botosay.
Subay ha Rules on Impeachment, kinahanglan dire maubos ha 1/3 han mga membro han Kamara o 106, agud maaprubahan an resolusyon. Kun maaprubahan, dayun ini nga igpapadara ha Senado.
