Manilampuson nga nagbuhat hin pinakasyahan nga jetski flag ride ha katubigan han Pag-asa Island kakulop nga adlaw, Mayo 3, an grupo han “Atin ito” kun diin, an mao nga aktibidad in nag serbi kumo importante nga parte han ika-4 nga Civilian Mission ha West Philippine Sea.
Ha gin buhat nga aktibidad, igin pakita an padayon nga pangasoy han grupo han soverign rights and territorial integrity han nasud pinaagi han mahimyang nga inisyatiba han mga sibilyan ha kaluyo han nagpapadayon nga agresyon han China ha mao nga rehiyon.
Gin pangunahan an Atin Ito Jetski Flag Ride Activity ni Akbayan Rep. Dadah Kiram Ismula. Subay kan Ismula, mahitungod nga usa nga Mindanaoanon an nagsaad ngan nanbudol hin jetski ride ha West Philippine Sea, usa gihapon nga Mindanaoanon ngan babaye an maninindugan agud himuon ini para ha nasud.
Samtang, dida han dominggo han umagahon, manilampuson nga gin buhat han Atin Ito an usa nga dawn voyage tipakadto ha Pag-asa Cay 2 (Sandy Cay), kundiin, madig-on nga igin tanom an flag han Pilipinas kumo usa nga mahimyang pero madig-on nga pahayag hin pag riwa ha padayon nga agresyon han China ha West Philippine Sea.
Nagtikang an pag beyahe ha kadagatan tikang Pag-asa Island banda alas 5:40 han aga kun dii, an misyon in gin buhat han grupo nga sumakay ha usa nga rubber boat, nga gin pangunahan ni Ismula kaupod an mga volunteers han Atin Ito.
Ha kaluyo han mahugot nga presensya han China ha lugar, nakaabot an Atin Ito ha Pag-asa Cay 2 ngan gin alsa an flag han Pilipinas samtang naiwas ha pira nga mga sasakyan-pandagat han China nga nagmomonitor ha kahirani nga katubigan.
Subay kan Ismula, an aksyon nga gin buhat han mao nga grupo in agud ipakita an makusog nga panindugan han mga Pilipino kontra ha ilegal nga pagsulod han China ha teritoryo han Pilipinas.
An pinakabag-o nga civilian mission han Atin Ito in nag tikang dida han Abril 30 ngan mahagos kutob Mayo 5, 2026 kun diin, gin kakalakipan gihapon ini han pag durayhag hin suplay hin gasolina ngan pagkaon, pag paabot hin serbisyo medikal, mga aktibidad pan kultura, sugad man pag libot ha isla ngan iba pa.
