Nagpahimatngon an usa nga hitaas nga opisyal han Ukraine ha gobyerno han Pilipinas ha pagpalit hin krudo ha Russia nga daw direkta nga nagpopondo ha kasamok han Moscow kontra ha Kyiv.
Ginmalatumat ni Deputy Foreign Minister Olexandr Mischenko ha pagbisita hini ha nasud, nga an pagpalit han lana ha Russia in nangangaruyag-sidngon nga ginsusuplayan o ginpopondohan an aggressor.
“Of course, we are not happy that some country uses Russian crude oil,” sumala kan Mischenko.
“If you support and use Russian oil, it means that you support Russia to kill Ukrainians,” dugang pa hini.
Mababaruan nga an pagbisita han opisyal in may panuyo nga pakusgon an pagbinuligay ha kalakalan ngan depensa ha butnga han Kyiv ngan Manila.
Naiintidihan naman hini an rason han gobyerno han Pilipinas nga an paghitaas han presyo han gasolina in durot han kasamok ha Middle East ngan kinahanglan hin alternatibo nga suplay, sanglit gin aghat hini an nasud nga ig-‘minimize’ an pagdepende ha Russian energy ngan mamiling hin iba nga pagkukuhaan.
“We understand that it is a small quantity,” sumala pa hini, nga gintutudlok an 2.5 million barrels nga napalit han Petron Corp.
An Pilipinas in mayda kutob may Mayo 16, 2026 nga makapalit hin Russian curde, kasunod han pagpapahilawig han waiver tikang ha Washington.
Mababaruan nga temporaryo nga ginpahiluagan ni US President Donald Trump an pagpapahugot ha pamaligya han lana han Russia agud padig-unon an suplay.
