Gin guba na ni Joy Barcoma an iya kamingaw kanit han isyu nga panbu-bully nga igin susumpay ha iya ngaran.
Sumala kan Barcoma, nag tikang an mao nga iristuryahon ha usa nga insidente dida han na eskwela pala ini ha Polytechnic University of the Philippines.
Ha usa nga pamahayag, sumala kan Miss Philippines Earth 2025 nga nagkamay-ada ini hiya diri pagkakaintindihan ngan han iya usa nga kaklase ha kolehiyo. Ha kaluyo nga naiha na nga nahinabo an mao nga insidente, tigda nabuhi utro an iristuryahon mahuman kumalat an usa nga blind item dida han bulan han Marso nga daw nagtutudlok han beauty queen.
Sumala kan Barcoma, labaw nga nakaka-apekto ha iya an pagsaysay han isyu ha social media kuntra ha mismo nga nahinabo. Dugang pa hini, baga hin nahimo nga seryoso an pagkita han pira nga mga tawo ha iristuryahon nga bullying mahitungod ha kun patiunan-o ini igin saysay online.
Gin amin ni Barcoma nga nakadugang an iya “dogshow” o ma intrimis ngan palaban nga personalidad ha social media han sayop nga interpretasyon han publiko ha iya.
Ha kaluyo hini, igin malatumat hini nga diri niya gin sasayon-sayon la an bullying nga ngaran ngan karuyag pa hini mismo nga mahimom kumo usa nga boses para ha mga nakaeksperyensya hin karahasan ngan pan-aabuso.
Kasumpay hini, gin tagan duon ni Barcoma nga diri angay abusuhon an paggamit han “bullying” nga ngaran ilabi na kun ini in gin gagamit la kun may-ada nabulos o nabaton ha pagkrikritiko.
Hi Barcoma in nagin representate han Pilipinas ha Miss Earth 2025 kundiin, nahuman ini hiya ha Top 8. Nakilala gihapon ini ha social media mahitungod ha iya nakakatawa ngan relatable nga mga post.
