Waray man la daw umatubang an tulo nga Duterte nga presente membro han Kamara agud depensahan hi Vice President Sara Duterte ha impeachment hearing.
Ini an nagin baton ni House Committee on Good Government and Public Accountability chairperson ngan Manila Rep. Joel Chua ha pahayag ni Davao City Rep. Paolo Duterte nga ginsuhulan ngan gin hadlok an mga kongresista agud suportahan an impeachment complaints.
Sumala kan Chua, kun tinuod nga karuyag han mga ini depensahan an Bise Presidente, unta in umatender an mga kaalyado ha mismo nga pagdungpg han Committee on Justice.
“Tatlo po ang Duterte na nakaupo bilang miyembro ng Kamara, bakit ni anino po ng kahit isa sa kanila hindi nakita?” duon han magbabalaod.
Labot kan Rep. Paolo, kalakip gihapon ha Kamara an anak hini nga hi Davao City Rep. Omar Vincent Duterte ngan PPP party-list Rep. Harold Duterte.
Ha ilarom han rules han Kamara, pwede umatender ha mga pagdungog an mga kongresista bisan dire hira membro han komite, sugad han ginbuhat ni SAGIP Party-list Rep. Rodante Marcoleta.
