TACLOBAN CITY — Natad-an nga patay ngan waray sulot nga panapton an usa nga lalaki ha may kabanwaan nga parte han Barangay Alimasag San Jose, Tacloban City.
Sumala kan PMaj Edwin Cañamaque, head han San Jose Police Station 1, nga nagpapabilin pa nga waray pangilal-an an mao nga biktima nga ginbabana-bana ada ha 30 anyos an pangidaron ngan ada ha 4’11 an kahitaas.
Subay ha ira inisyal nga imbestigasyon nga an mao nga biktima in may problema ha panhuna-huna ngan masukot makitan nga nagsusudoy-sudoy ha kakalsadahan.
Gintutuuhan naman nga natural cause an kamatayon hini matungod nga waray senyales o panigamnan ha iya lawas nga ini in gintuyo pagpataya.
Ha pagkayana in aadto na ha usa nga punerarya an patay nga lawas han biktima samtang ginpapamulat an pamilya hini.
