NATIONAL NEWS- Ginsigurado ni House Appropriations Committee Chair Mika Suansing kan Mamamayang Liberal Party-list Representative Leila de Lima nga an Budget Amendment Review Subcommittee (BARSC) in magdudumara hin mahugot nga pag-istuduyo agud nga mahibaruan kun diin ig-aalutaga an ₱255 billion nga pondo para ha flood control projects han Department of Public Works and Highways (DPWH).
Ginhimo han manbaralaod an pahayag ha gindumara nga committee deliberation para ha budget han DPWH.
Nagpahayag gihapon hi Representative De Lima han iya pagkabaraka kasumpay han kabug-usan nga proseso han pag-aalutaga, ngan limitado la an oras nga iginhahatag para ha pagpili han mga programa ngan proyekto na makakatagamtam tikang ha pondo nga para ha flood control.
Gintagan duon hine an panginahanglan para ha mas klarado ngan mas detalyado nga pagplaplano.
Ugsa hine, naghatag na an Pangulo hin listahan han mga posible nga pagpilian kun diin igbabalhin an pondo nga orihinal nga naka-alutaga para ha mga proyekto han flood control sunod nga tuig.
