Harani katunga hiton milyon nga kantidad, han gin-aalegar nga droga nakumpiskar han mga otoridad ha Javier Leyte

TACLOBAN CITY– Kalungkagong yana ha presuhan an suspek han ilegal nga droga, mahuman nga madakop ine han mga otoridad ha Brgy Talisayan, Javier Leyte.

Ginkilala an suspek kan alyas “Budoy”.

Sumala kan Rogelette Urgel, Information Officer han Philippine Drug Enforcement Agency PDEA Regional Office VIII, nga nakuha ha suspek an 6 ka-sachet han gintutuohan nga shabu nga mayda estimated market value nga Ph420,500.00.

Ha pagakyana, kapot na hiton mga otoridad an suspek, ngan maatubang ine ha pagtalapas han RA 9165 o Comprehensive Dangerous Drugs Act of 2002.