Humitaas ha 5% an unemployment rate ha Pilipinas dida han Marso 2026, sumala ha Philippine Statistics Authority.
Ginmalatumat ni PSA USec. Dennis Mapa nga kaparehas ini hin sobra 2.58 milyon nga mga Pilipino nga waray trabaho. Mas hitaas ini kumpara ha 3.9% dida han Marso han nakalabay nga tuig, pero mas hamubo naman kumpara ha nahipatik nga lebel dida han Pebrero.
Samtang, an ihap han mga underemployed o kulang ha oras han trabaho ngan nagbibiling hin kadugangan nga matratrabaho-an in aada ha 12.3% o 6.3 milyon ka-tawo.
Kumo baton, ginpahayag han Department of Economy, Planning and Development nga magpapatuman an gobyerno hin mga pitad agud mapabilin an trabaho ngan mapakusog an social protection, job-skills matching, ngan reskilling programs, labi na para ha mga apektado han tensyon ha Middle East.
Samtang, ha kabug-usan, nagpapabilin naman nga hitaas an employment rate ha 95% o 49.7 milyon nga Pilipino nga may trabaho.
