-- Advertisements --
TACLOBAN CITY — Arestado an usa nga government employee mahuman nga madakop ha drug buy-bust operation ha Brgy. Nijaga, Calbayog City.
Sumala kan Rogelette Urgel, tagapagyakan han PDEA Region 8, nga ginkilala an suspek nga hi Raymund Randy Ricafort, 51 anyos, empleyado han Calbayog City Water District-Material Planning Officer, ngan residente han mao nga lugar.
Nakumpiska ha posesyon hini an 55 ka sachet han gintutuuhan shabu nga may estimated market value nga Php 50,000.00 ngan iba pa nga mga drug paraphernalia.
Naatubang naman an mao nga suspek ha kaso nga pagtalapas han RA 9165 ngan yana in temporaryo nga nakadetine ha Calbayog City CPS Lock-up Facility.
