Ginpanhimuwa ni Sen. Panfilo “Ping” Lacson nga hiya an nagpapaluyo ha P50 milyon nga reward ngan ultimatum ha pagsurender kan Sen. Ronald “Bato” dela Rosa agud pugngan ini nga makabotos ha impeachment trial ni Vice President Sara Duterte.
Sumala kan Lacson, nga hurob-hurob la an mga alegasyon nga may panuyuan nga maapektaran an pagbotos ha impeachment case kontra ha bise presidente.
Gineksplikar ni Lacson nga presente in dire na sakop han impeachment copurt an magpatuman hin piniritay nga pag-atender ni Dela Rosa, basar ini ha nauna nga desisyon han korte kasumpay ha isyu nga kinahanglan nga botos para ha conviction.
Ha ilarum han desisyon, an 2/3 nga botos agud ma-impeach an opisyal in igbabase la ha mga senador nga legal ngan aktuwal nga napartisipar ha trial. Dire kaupod ha ihap an mga waray maka-atender mahitungod ha mga sitwasyon sugad han pagtago kontra ha mga otoridad.
Ha pagkayana, in nagpapabilin nga nagtatago hi Sen. Dela Rosa mahuman nga mahipatik nga may warrant of arrest ha iya tikang ha International Criminal Court may paghisumpay han kampanya kontra droga hadto nakalabay nga Duterte administration.
