Gin bantad ni Senator Erwin Tulfo an mga power distribution utilities nga magin makatawo ha sukot ha kuryente.
Kasunod na gihapon ini han mga reklmao nga nakaabot ha buhatan han senador kasumpay ha tigdaay nga paghitaas han ira kabaraydan ha kuryente mahitungod ha bill deposits.
Nakasulod ha “Magna Carta for Residential Electricity Consumers,” an bill deposits kun diin ini an kantidad nga ginkokolekta tikanbg ha kunsumidor ha bug-os nga nasud agud magserbi nga garantiya ha pagbabayad han nakonsumo nga kuryente pero waray kabaydi ha nakatalaan nga petsa.
Sugadman, ginsukna ni Tulfo nga ha kaluyo han pag-uugsod han Meralco ha pagpahamtang han nasabi nga bill deposits, dire naman klaro ha mga kunsumidor kun patiunan-o tigda nga humitaas an sukot ha kuryente.
Iginduon han senador nga tumanon han mga kumpanya an ira corporate social responsibility nga tugutan an mga kunsumidor nga magbayad hin hulgan ngan dire na magpahamtang hin kadugangan nga sukot.
