TACLOBAN CITY – Gindig-unan han Korte Suprema an nagin desisyon han Commission on Election (COMELEC) ha pagkakakansela han registration han An Waray Party-list mahitungod han pagtugot nga lumingkod an ira ikaduha nga nominee nga hi Victoria Noel, kaluyo nga mayda la hira usa nga pwesto ha 16th Congress.
Ha desisyon nga ginsurat ni Associate Justice Alfredo Benjamin S. Caguioa nga basar ha konstitusyon ngan ha Party-list System Act, an COMELEC an mayda hurisdiksyon ha pagdedesisyon ha pagkakanselar han mga nagpaparehistro nga mga party-list.
Iginduon naman han An Waray nga waray kuno katungod an COMELEC mahitungod nga an House of Representatives Electoral Tribunal (HRET) an mayda hurisdiksyon ha mga kaso nga mayda kasumpay ha kwalipikasyon han mga miyembro han kongreso.
An HRET in limitado la ha mga isyu may paghisumpay ha piniliay, mga resulta nga ha kwalipikasyon han mga nagpapabilin nga miyembro han kongreso.
“Further, the Court held that, although it is An Waray which is voted for in the ballots during elections, it does not become a ‘Member’ of the HoR. Rather, it is its nominee who assumes as HoR Member, and who must have the qualifications and none of the disqualifications,” yakan han Supreme Court PIO
Kun mahinunumduman, dida han Hunyo 2023, an Second Division han COMELEC in nagpagawas hin kanselasyon han registration han An Waray para tugutan nga makalingkod ha pwesto an second nominee nga hi Victoria Isabel Noel.
Pag abot naman han Agosto in gin denied an motion for reconsideration han Second Division nga ginsalawad han An Waray mahitungod naman han lack of merit.
Sumala naman kan anay An Waray Representative Florencio “Bem” Noel, nga bubuhaton nira an nga tanan nga legal remedies pati gihapon pag fifile hin motion for reconsideration.
Gintagan pa hin duon ni Noel nga waray hira gin violate hin bisan ano nga balaod.
“Siyempre [Of course], we will always respect the highest court… of the land but we will exhaust all legal remedies available to us,… Until now, they have not expressly put kung ano sa batas ang viniolate namin. Sinasabi ng desisyon na nag violate daw kayo ng partylist law. Alin doon? Alin doon specifically,” yakan ni Noel.
