-- Advertisements --
TACLOBAN CITY – Iginrereklamo ha pagkayana an usa nga gasolinahan ha syudad han Tacloban mahitungod han napalit han usa nga konsumidor nga gasolina nga puno hin tubig.
Sumala han tagreklamo nga nagpakilala nga hi “Mae”, maabot ha 200 liters hin gasolina nga nakantidad hin P8,548 an ira napalit.
Nadiskubrehan nira nga an ira napalit in 90% tubig ngan 10% gasolina.
Mahitungod hini in dayon hira nga nagreklamo ha RVDi Abucay – River Valley Distribution, Inc. kun diin nira napalit an mao nga gasolina pero ha pagkayana in waray pa ini aksyon.
Naglalaum naman ini nga babatunon han mao nga gas station an ira reklamo ngan mababalyuan an ira napalit nga tubigon nga gasolina.
