ODD NEWS– Nakaghipatik an usa nga American gamer hin bag-o nga world record ha Super Mario Bros, ine in mahuman mulayon ha sulod han 4 minutes and 54.565 seconds an nasabi nga mulay.
Para ha ordinaryo nga player, naabot ine hin 30mins.- usa ka-oras para mahuman an mulay gamit an warp zones, ngan kun bag-o pala nga player in dire nagamit hin shortcuts sanglit naabot ine hin 3 ka-oras.
Ginkilala ine kan Niftski, kun diin nahimo niya nga dire pumirok samtang nagmumulay, sanglit nga nadukdok niya an “Fastest Completion of Mario Bros.”
Gamit an usa nga emulator ngan keyboard, ginsingabot hine an magkalain-lain nga teknik sugad hiton warp zones.
Para kan Niftski, an speedrunning in dire la ordinaryo nga mulay, usa ine nga ayat nga kinahanglan solbaron.
