NATIONAL – Nadig-on an Department of Foreign Affairs (DFA) nga pwede la gihapon buligan han nasud hi Presidente Rodrigo Duterte ngan mga pamilya hine kumo Pilipino.
Pag-eksplikar ni DFA Undersecretary Eduardo de Vega nga dida han gindara an anay presidente ha The Hague, Netherlands, in magpapabilin an iya pagigin Pilipino.
Ha pamakiana kun pwede manumpa hi anay Presidente Duterte ha Philippine Embassy ha The Hague, Netherlands, ginmalatumat ni De Vega nga pwede in himuo han embahan mahitungod nga an nasabi nga opisina in nagseserbi nga extension han gobyerno han Pilipinas.
Sugadman, magigin dako nga pakina la gihapon kun tutugutan han International Criminal Court (ICC) nga makagawas an anay presidente nga bumiyahe tikadto ha embahan agud manumpa kumo bag-o nga hurar nga alkalde han Davao City, labi na nga dire daw gihapon membro han ICC an Pilipinas.
Gintudlok han DFA official an legal theory nga an kapas ngan otoridad han embahada in limitado la ha embassy premises.
