MANILA, PHILIPPINES – Nagsumite hi Bukidnon Rep. Audrey Kay Zubiri hin balaudnon nga himuon nga core subject an financial literacy ha junior ngan senior high school.
Sumala ha House Bill No. 6091 o Financial Education and Literacy Act, panuyuan hini tutduan an kabataan hin insakto nga paggamit ha kwarta, pag-tirok, ngan pag-likay ha utang, kumo baton ha nagtitika-grabe nga problema han pagkakautang han mga Pilipino.
Damo nga Pilipino an nalulunod ha utang dire matungod ha kakulangan ha paningkamot kundi ha kakulangan ha insakto nga kaadman ha kwarta. Sumala kan Zubiri nga kun dire ini aaksyunan, mabibilin ha parehas nga siklo han utang an masunod nga henerasyon.
Sumala ha World Bank, haros Katunga han mga Pilipino an nangungutang, sanglit importante nga mabaruan an financial literacy ha kabataan agud malikayan an pagdepende ha bulig han gobuyerno ngan maparibhong an responsible nga pag-gasto ha kwarta.
