METRO MANILA – Nagsumite hin mosyon hi anay Senador Bong Revilla Jr. ha pagdungog han reklamo nga plunder nga ginkakaatubang hini ha Department of Justice.
Ha ginbuhat nga preliminary investigation, particular nga ginsumite ni Revilla an “motion for oppostition” ha prosekusyon.
Sumala kan Atty. Francesca Señga, ini in kumo pagbaribad o dire pag-abuyon ha ginsulod nga mosyon han National Bureau of Investigaiton, complainant ha reklamo.
Dida han nakalabay la in nadugngan hin panibag-o nga respondents ha plunder case nga ginsumite ha buhatan.
Ginkakadabihan ini han mga anay opisyal tikang ha Department of Public Works and Highways.
Ini in hira Public Works National Capital Region Engineers Denryl Caesar Cortuna, Manny Bulusan, Ruel Umali ngan Arturo Gonzales Jr.
Kanit hini in ginkuwestyon han kampo ni Revilla han madugngan hin upat an respondents ha reklamo ngan sumala han mga ini nga dire klaro an rason ha pagkakadugang han panibag-o nga mga respondents.
Eksplikar naman han Department of Justice nga possible basar ha iba pa nga mga ebidensya o affidavtits an rason han National Bureau of Investigaation han magpasulod ini hin bag-o nga mga ngaran ha reklamo.
