NATIONAL NEWS– Plano ni anay Senator Antonio Trillanes IV nga pasakahan hin ethics complaint hi Senator Ronald “Bato” Dela Rosa kun dire pa ine magpakita.
Sobra duha kabulan na nga nagtatago an Senador kasunod han report han arrest warrant kontra ha iya tikang ha International Criminal Court (ICC) kanit la gihapon ine ha war on drugs.
Dugang ni Trillanes, ginmalatumat ni Senate President Vicente Sotto III, may kagawasan an concerned citizen nga maghaon hin reklamo kontra ha bisan-hino nga senador.
Duon pa hine, igpro-proseso nira ine alinsunod ha rules han Senado.
Gin-esplikar naman ni Chairman ngan Ethics Committee Senator JV Ejercito pananglitan nga maghaon hi Trillanes kinahanglan nga ig-apila pa hine, matungod may mga nauna na nga ethics complaint nga nakabinbin pa ha komite.
Ha iginpaangbit naman nga mensahe ni Senator Dela Rosa kadungan han iya ika-64 nga kaadlawon, ginpahayag hine nga maghuhulat hiya hin sakto nga panahon para atubangon an kaso nga ginbabatak ala kontra ha iya.
