Naghatag hin bulig ha mga tricycle drivers an aktres ngan host nga hi Kim Chiu kumo kaparte han iya birthday celebration, kun diin nanhatag hiya hin libre nga gasolina nga grocery packs ha mga nakapila nga drivers.
Ha iya social media post, iginpaangbit ni Kim an simple nga mensahe nga: “Birthday charity sa mga jeepney and tricycle driver!” samtang mas damo nga litrato ngan istorya han mga nakakarawat hin ayuda an gumawas tikang ha mga netizens.
Dire na ini bag-o nga aktres, nga kilala ha iya tinuig nga charity initiatives kada-birthday. Nauna na gihapon hiya bumlig ha mga Aeta ha Zambales ngan naghatag hin construction materials ha mga nabiktima han linog ha Cebu.
Damo an nakakarawat han bulig an nagpahayag hin pasasalamat, nga gin papahayag dako nga butang an simple nga suporta han aktres labi na ha butnga han padayon nga paghitaas han presyo han gasolina ngan kakuri ha pakabuhi han mga driver.
Samtang, nagin emosyonal gihapon hi Kim ha iya birthday celebration kun diin iginpaangbit niya an iya birthday wish para ha “ultimate happiness” ngan pasasalamat ha padayon nga suporta han iya mga taga-suporta ngan pamilya.
Hi Kim, in nagselebrar han iya ika-36 nga kaadlawon.
