Igindiwara han anay Health Undersecretary nga hi Kenneth Hartigan-Go nga iginpromote niya an paggamit han dengvaxia ha kaluyo han dati niya nga koneksyon ha usa nga foundation nga may koneksyon ha distributor hini.
Ha pag-atubang niya kumo testigos ha Sandiganbayan, ginmalatumat ni Hartigan-Go nga waray bisan san-o nag-advertise o nagbaligya hin anuman nga produkto an ira foundation (Zuellig Family Foundation) kun diin hiya an nagserbi nga executive director tikang han tuig-2011 kutob 2009.
Sugadman, gin amin niya nga gin pirmahan niya an usa nga rekomendasyon dida han 2025 han Formular Executive Council nga maghatag hine exemption ha Dengvaxia tikang ha Philippine National Drug Formulary.
An sugad nga exemption unta an magtutugot ha gobyerno nga makapalit hin legal para ha nasabi nga bakuna, pero waray ini maaprubahan.
Sumala ha mga prosecutor, ginmalatumat ni Hartigan-Go ha nasabi nga rekomendasyon an usa nga pag-aram han Sanofi, an naghimo han dengvaxia. Pero ginpahayag han anay opisyal nga dire hiya maaram nga mayda sugad nga reference ha dokumento.
An kaso in kasumpay ha iregularidad ha pagpalit han P3.5 billion nga kantidad han dengvaxia dida han 2015, kun diin kaupod gihapon nga gin kasuhan hi anay Health Secretary ngan yana in House Deputy Speaker Janette Garin ngan iba pa.
Subay ha Office of the Ombudsman, ilegal nga ginamit an pondo han gobyerno para ha pagpalit han bakuna, nga dire naman kaupod ha Expanded Program for Immunization ngan waray gihapon pagtugot tikang ha drug formulacy, nga pagtalapas ha nagpapadayon nga balaod ngan regulasyon, kaupod an Executive Order No. 49.
