Gin sigurado ni Naga City Mayor Maria Leonor “Leni” Robredo nga diri hiya madalagan ha 2028 national elections ngan mas ginpipili niya nga igpadayon an serbisyo kumo alkalde han Naga City para ha posible ika-duha nga termino.
Ha usa nga pahayag, gin malatumat ni Robredo nga waray ha iya plano nga bumalik ha hitaas nga posisyon ngan mas karuyag hini tagan hin atensyon an mga nagpapabilin nga proyekto ha syudad.
Dugang pa hini, may mga tawo nga nagduduso ha iya nga utro dumalagan ha national level, pero nagtutuo ini nga damo pa an iba nga may kakayahan magin lider han nasud.
An mao nga pamahayag in kasunod han mga iristurya kanit ha posible nga pagbug-os hin oposisyon para ha 2028 elections, kun diin, kaupod ha oposisyon hira Senator Bam Aquino, Kiko Pangilinan, Risa Hontiveros, Mamamayang Liberal Party-list Rep. Leila De Lima, Akbayan Party-list Rep. Chel Diokno, former senator Franklin Drilon, ngan former Budget secretary Butch Abad.
Samtang, utro naman nga bumuto an iristuryahon pulitika mahuman paghingadayan an mga posible dumalagan para ha 2028 elections, pero ha kaluyo hini, nanawagan an Malacañang nga mas tagan atensyon an trabaho ngan diri magpaapekto ha mga hurob-hurob.
