-- Advertisements --
Gin anunsyo ni Palace Press Officer Claire Castro nga gin aprubahan na han Department of Budget and Management (DBM) an pagpapagwas han P46.22 bilyon para ha 1,743 infrastructure projects ha bug-os nga nasud.
Subay ha Department of Budget and Management (DBM), nakatalaan an parte han pondo ha Department of Public Works and Highways (DPWH) para ha mga proyekto nga magpapahusay ha road connectivity ngan mobility. Kaupod dinhi an Davao City Bypass Construction Project, nga mayda sobra P288 nilyon nga alokasyon para ha 2026.
Nag-alutaga gihapon an ahensya hin P17.27 bilyon para ha pagtutukod naman hin 4,960 nga klasrum ha ilarom han Department of Education (DepEd), kumo baton ha kakulangan han mga klasrum ha nasud.
