Agaw-pansin ha red carpet hi Pinay tennis sensation Alexandra Eala.
Hini nga higayon in dire mahitungod ha kusog han balbag, kundi ha kusog han ‘dating’ ha pagdadara han Filipiniana outfit.
Ha gindumara nga 2026 Laureus World Sports Awards ha Madrid, Spain, rumampa hi Alex sul-ot an usa nga soft cream Filipiniana gown nga mayda detachable bolero nga gindisensyuhan han iconic butterfly sleeves.
Dire la basta gown an nagpa-wow ha international crowd, kundi an kumpleto nga package han sul-ot ni Eala, tikang ha iya soft wavy curls, matching necklace, earrings, ring nga mayda orange gems, ngan usa nga tennis bracelet nga naghahatag hin classy finishing touch.
Labot ha red carpet moment, busy hi Alex ha iya sports calendar, kun diin masabak hiya ha Madrid Open tinikangan April 21 kutob May 3, susundan han Rome Open tikang May 5–17, ngan nakalista gihapon ha WTA 125 Parma Ladies Open ha Italy tikang May 11–16.
An Laureus Awards, nga tinuig nga ginbubuhat tikang pa dida han 2000, in ginkokonsidera nga “Oscars of Sports” kun diin an mga nominado in ginpipili han global media ngan an nagdadaog in ginbobotos han Laureus World Sports Academy.
