Gin klaro ni Department of Energy (DOE) Secretary Sharon Garin nga diri dayon aabaton han mga consumers an pag laprak han presyo han lana ha kaluyo han talwas nga pag agi han Philippine-flagged vessels ha Strait of Hormuz.
Sumala hini, bisan kun diri hingpit nga masusolbar han pag sisigurado han Iran nga talwas makakaagi an mga barko nga sakay an mga Pilipino nga tripulante, in diri hini mawawara an tanan nga panarhog. Subay pa hini, maghahatag ini ha Pilipinas hin talwas ngan “preferential access” ha kritikal nga suplay han petrolyo.
Dugang pa hini, ha kaluyo nga kaudgan han mga lana han nasud in nagtitikang ha
regional hubs sugad hiton Singapore o Korea, an krudo, nga ginpro-proseso ha mga refineries para mahimo kumo mga produkto nga petrolyo, in naagi ha Strait of Hormuz.
Salit, bisan ano nga pag urusa, in nag hihimo ini hin domino effect nga nakakapekto ha suplay han lana ha world market ilabi na an pag umento han presyo.
Ha kaluyo hini, gin sigurado naman ni Garin nga nagpapabilin nga pangunahon nga prayoridad han gobyerno an pagpahimubo han presyo han lana ug mag padayon an suplay ha butnga han nagpapadayon nga energy emergency ha nasud.
