Iginduduso ni Parañaque 2nd District Representative Brian Yamsuan an madagmit nga paghimo nga balaod han magkakambal nga panukal nga panuyo siguraduhon an katungod han mga Pilipino ha impormasyon ngan atuhan an pagsarang han fake news.
Sumala kan Yamsuan, Vice Chair han House Committee on Public Information, an paghihimo nga balaod ha presente nga Kongreso han iginsusuhestyon nga balaod ha Right-To-Information (RTI) ngan han Anti-False Information (AFI) Act in magsisigurado nga magbibinuligay an duha nga balaudnon agud makab-ot an mga nasabi nga panuyuan.
Ginmalatumat ni Yamsuan nga kun an mga kababayan naton in mayda sakto nga impormasyon ngan protektado kontra ha pagsarang han fake news, magkakadesisyon an mga ini hin sakto ngan makakabulig ha pagbug-os han mga polisiya.
Iginpasar na han Kamara ha ikaduha nga pagbasa an duha nga prayoridad nga panukala ha administrasyon ni Marcos dida han nakalabay nga Martes, May 26, 2026.
Ha ilarom han RTI Bill, magtutukod hin usa nga independente nga RTI Commission ngan usa nga digital portal para ha mas malaksi nga paghangyo han mga opisyal nga dokumento han gobyerno.
May nakaalutaga gihapon nga proteksyon para ha mga whistleblower, samtang may-ada naman sirot ha mga opisyal nga mabalabag ha pagpapagawas han impormasyon.
Samtang, sisirutan naman han AFI bill an malisyoso nga pagpapasarang han peke nga balita, partikular na ha mga social media platfroms, hin dire naibubutang ha kadelikaduhan an kagawasan ha pagpapahayag.
Naglalaum hi Yamsuan nga pinaagi han nasabi nga mga panukala in utro nga mabalik an pagtapod han publiko ha mga institusyon han gobyerno ngan mapoproteheran an demokratiko nga proseso han nasud.
“While ensuring a balanced approach in combating fake news, we also have to be ready to face and correct the spread of misinformation and disinformation that threaten our government institutions. The proliferation of fake news can be used as a weapon to manipulate public opinion and the democratic process,” pahayag ni Yamsuan.
