TACLOBAN CITY – Ginsisiguro han mga electric cooperatives ha rehiyon nga waray magiging problema ha suplay han kuryente ha rehiyon ha adlaw mismo han eleksyon yana nga Mayo 9.
Sumala kan Allan Laniba, Presidente han Association of Electric Cooperatives of the Philippines, ha pagkayana in andam na an tanan han ira mga buhatan para ha pagsiguro nga magiging 24/7 an electric services ha adlaw han piniliay.
Nakaandam na gihapon hira ha ira mga pagbubuhaton ha mao nga adlaw ngan tanan han ira mga empleyado in gintagan hin direktiba ngan advisory nga magreport.
Prayoridad han mga eletric cooperative an mga polling precincts ngan nagtutuo hira nga dire makukulangan hin suplay han kuryente tungod nga holiday an mao nga adlaw ngan waray gud namamagtrabaho o nagamit hin kuryente sugad nala han mga factories.
Ingkaso naman nga magkaada hin power interruption ha pira nga mga barangay ngan ha mga presinto in ginklaro han mao nga opisyal nga uunahon nira an mga polling precincts agud nga masiguro an hapsay nga piniliay.
