TACLOBAN CITY – Patay an duha nga estudyante han Pambujan National High School, mahuman nga bun-on an mga ine han waray ngarani nga suspek.
An mga biktima in parehas nag-eedad hin 17-anyos, mag-sangkay, ngan mga Senior High School student han Pambujan National High School.
Sumala kan PCapt. Verna Cesista, Chief of Police hiton Pambujan Municipal Police Station, gin sugo an mga biktima han suspek nga maglakat-lakat ha may baybayon han dagat kun diin nahikit-an an mga ine.
Dugang pa hine, sumala daw han babaye nga biktima ugsa ine bawian han kinabuhi in dire niya kilala an suspek ha ngaran pero nakikilala hine an nawong, samtang, dead-on the-spot an lalaki nga biktima.
Sumala pa han mga kaklase han mga biktima in waray naka-away o kaaway an mga biktima sanglit dako daw nga pakiana an nahitbao han mga ine.
Ha pagkayan in padayun naman an ginbubuhat nga imbestigasyon han mga otoridad han Pambujan hiunong han insindente agud mahibaruan an tinuod nga motibo.
