ODD NEWS- Nakalusot an duha nga butiki tikang ha Florida pakadto England mahuman ine nga magtago ha maleta han usa nga pamilya.
Sumala kan Mark Goodlad han Kirton Lindsay, Lincolnshire, England, ka-uuli la han iya pamilya tikang ha Walt Disney World ha Orlando, Florida, han abrehan niya an usa nga maleta ngan nahibaruan an usa nga padis han anole lizard nga kolor green ngan sugadman kolor brown.
Dugang pa ni Goodlad nga usa gihapon nga beterinaryo, nadakop dayon niya an usa nga butiki, pero kinahanglan pa niya nga lanaton ha ira kusina an an usa pa hine nga butiki ugsa hine nga talwas nga madakop.
Dayon nga ginpatawag niya an animal rescue officer ha ira panimalay ngan gindara an mga butiki ha usa reptile specialist para maatimanan.
Subay ha animal rescue officer nga hi Dave Holgate, maswerte an mga butiki matungod nga napili han mga ine an maleta han usa nga beterinaryo nga maaram kun anu an angay buhaton agud nga mapabilin nga talwas samtang nakada ha biyahe.
Samtang, ginpasalamatan naman han rescue officer an mao nga pamilya ha pagpapabilen nga talwas han duha nga butiki nga bumiyahe han 4,300-milya.
