TACLOBAN CITY- Usa nga drug den an nabungkag han Philippine Drug Enforcement Agency (PDEA-8) ha ira gindumara nga buy bust operation ha Brgy Cahagnaan, Matalom Leyte.
Sumala kan Rogellete Urgel, Tagapagyakan han Philippine Drug Enforcement Agency (PDEA-8) nga nadakop pa ha ira operasyon an mga suspek nga hira:
![](https://img.bomboradyo.com/tacloban/2021/01/GettyImages-543277200.jpg)
Ricardo Tumamak Olita III ( Drug den maintainer); Peter Paz Integro, Johnrey Cocosa Castro ; Geofrey Rosas Castro ngan Nielven Malasaga Palomar (Visitor).
Nakompiska naman ha mao nga operasyon an 15 sachets nga shabu nga mayda kabug-aton nga 37.8 ka gramo ngan mayda estimated market value nga Php257,244.00.
Naatubang naman ha pagkayana an mao nga suspek ha kaso pagtalapas han RA 9165 ngan yana nakadetini ha Matalom MPS Lock-up Facility.