TACLOBAN CITY – Ginaaghat han Department of Science and Technology (DOST) an mas agresibo nga pakikipag-binuligay han mga LGUs agud nga magamit an mga ini an makabag-o nga teknolohiya nga gin-alutaga han ahensiya.
Sumala ha DOST, panuyuan han ahensiya nga makabuo han mga smart at sustainable communities nga magduduso hin data-driven decision making, ngan digital transformation.
Pira ha mga teknolohiya hiton DOST an desalination machines para ha talwas nga tubig, sistema para ha mas maupay nga traffic management, ngan teknolohiya para hiton telemedicine.
Nakikipag-sumpayan gihapon an DOST ha magkaduro-dilain nga mga ahensiya han gobyerno sugad DILG, DOT, DENR, ngan maging ha mga pribado nga sektor.
Aktibo gihapon hira nga nagdadara hin mga mamumuhunan tikang ha iba nga nasud.
Pira ha mga manilampuson nga pananglitan han paggamit han teknolohiya in makikit-an ha Butuan City, kun diin manilampuson an tax ngan land mapping system ha mga lugar han Sabang ngan Balogat, diin maupay an ira mga IT system nga pwede nira mai-paangbit ha iba nga LGUs.
Ha pamaagi han halawig nga paggamit han science, technology ngan innovation, in nagtutuo an DOST nga akos ini makaghatag hin pagbabag-o para ha mga Pilipino.
