TACLOBAN CITY – Ginpahayag han Department of Health (DOH) Regional Office 8 nga ha pagkayana in waray pa makab-ot han rehiyon an target nga herd immunity kontra COVID-19.
Sumala kan Jelyn Lopez-Malibago, tagapagyakan han DOH Regional Office 8, ha pagkayana in sobra 2 million na nga mga indibidwal ha rehiyon an bakunado na kontra COVID ngan ini in 60% na han target population nga 70%.
Pero mahuman an meeting han national vaccination operation center, ginbag-o an target ha 100% tikang ha dati nga 70%.
Ini in nangangaruyag signgon nga kinahanglan nga mabakunahan an 100% target population han rehiyon kaupod na an mga kabataan nga nag eedad 5 anyos paigbaw agud nga makab-ot an herd immunity.
Tungod han mao nga pagbabag-o, in bumalik ha 43% pala han populasyon han rehiyon an bakunado kontra COVID-19.
