TACLOBAN CITY – Ginpahibaro han Department of Health DOH-8 Eastern Visayas, nga nagtitikahitaas an ihap han mga nagpopositibo han COVID-19 ha bug-os nga Sinirangan Bisayas.
Sumala kan Dra. Exuperia Sabalberino, Regional Director han DOH-8 Eastern Visayas, nga hapagkayana nakaka-alarma matungod nga nagtitikahitaas an ihap han mga ine ha sulod han nakalabay nga 3 kasemana.
Sanglit nga gin-aaghat han mao nga opisyal an publiko nga magpabooster shots na an mga ine, partikular na an mga senior citizens kontra COVID-19.
Usa gihapon nga rason han pagdamo han COVID-19, in kun an usa nga indibidwal in agsob nga maginawas kahuman in mauli ha ira panimalay nga dire nahihibaro nga naka-kuha hiya hin virus ha gawas ngan may higayon ine nga makapanapon ha iya sulod-balay ilabi na ha mga senior citizens o mga vulnerable persons.
Hapagkayna, mayda 260 active cases han COVID-19, an nahipatik han mao nga buhatan han nakalabay nga semana.
