NATIONAL – Naghatag hin kasiguraduhan an Department of Energy dida han Lunes nga padayon an ira pakikig-sumpayan ha mga stakeholder ha butnga han sagun-son nga paghitaas han presyo han lana.
Sumala ha DOE nga ginlalauman nga mahitaas hin kutob P1.50 kada litro an presyo han produkto han petrolyo yana nga semana, kasunod han anunsyo han mga kompanya han lana nga magdudugang hin presyo tikang P0.7 kutob P1.40 kada litro – an ika-upat nga semana han paghitaas.
Eksplikar han ahensya, an paghitaas in dara han mga ganap ha world market, kaupod an paghitaas han benchmark prices sugad han Dubai crude ngan Mean of Platts Singapore.
Dugang pa han DOE, an limitado nga produksiyon han OPEC+ tikang Oktubre in umabot ha 137,000 barrels kada adlaw, mas hamubo kumpara ha anay binulan nga paghitaas hini ha 400,000 bpd nga nagdara hin kakulangan ha suplay.
Ha luyo hini, ginsigurado han DOE nga padayon nira nga ginmomonitor an sitwasyon ha world market ngan nakikigsumpayan na hira ha industriya agud maibanan an epekto ha molupyo.
