INTERNATIONAL – Ginkomenda ni Israeli Prime Minister Benjamin Netanyahu an nagin desisyon ni US Pres. Donald Trump nga pagbomba ha mga nuclear sites han Iran nga Fordow, Netanz ngan Esfahan.
Sumala kan Netanyahu nga an desisyon ni Trump in nagpapakita la han iya pakig-usa ha pagtapos han paghahadi han iya gintawag nga ‘most dangerous regime’ ngan an nasud nga mayda pinakadelikado nga mga armas.
Dugang hini nga an liderato ni Trump in naghimo hin makasaysayan nga desisyon nga habang buhay nga naiirekord ha kasaysayan han kalibutan.
Ini in magdadara hin kauswagan ngan kamurayawan ha bug-os nga Middle East ngan bisan ha iba nga mga nasud.
Samtang, ginpasalamatan ni Netanyahu hi Trump ha iya malinampuson nga pagruba han mga nuclear sites han Iran nga may kaisog ngan kakusog.
