NATIONAL—Gin-anunsyo han Department of Trade and Industry (DTI) nga 9 ha 10 ha mga pangunahon nga paraliton ha bug-os nga nasud in magpapabilin ha parehas nga presyo.
Sumala ha DTI, mayada 186 ha kabugosan nga 205 nga mga produkto o 92 percent han mga pangunahon nga paraliton ngan prime commodities in waray pag-umento ha presyo.
Kalakip ha mga ini an sardinas, instant noodles, sabon nga panlaba, kandila, tinapay, ngan bateriya.
Dugang pa ni Trade Secretary Cristina Roque, nga ginkuha han mga manufacturers an responsibilidad ha mga hitaas nga presyo han mga raw materials, packaging, logistics ngan iba pa.
Han naglabay nga tuig gihapon in nanawagan an DTI ha mga producers nga dire la anay igpa-hitaas an presyo labi na kada mayada bagyo ngan holidays.
Ginduon naman han kalihim nga pitad nira ini agud nga maproteharan an mga konsumidor.
