TACLOBAN CITY — Nagpahinumdum an Civil Service Commission (CSC) ha mga trabahante han gobyerno ha strikto nga pag obserba ha mga oras ha pagtrabaho ha gobyerno.
An CSC in nag-isyu han mao nga pahinumdum pinaagi han Memorandum Circular No.1, series of 2017 ha pagpatuman han palisiya kaparte ha mga oras ha gobyerno ha pagtrabaho, mag absent hin waray pag-sarit, late nga nareport ha trabaho ngan nag susudoy sudoy biskan oras hin trabaho.
An mao nga pahinumdum in ginhimo para ha mga opisyales o empleyado han gobyerno nga diri na-obserba han ginhatag nga oras ha opisina.
An mao nga buruhaton in diri makakahatag hin serbisyo ha publiko ngan ini in magiging problema la han opisina han gobyerno.
Mababaruan nga pira ha mga empleyado han gobyerno in diri tuptop ngan may iba nga naglalakat ngan nag gagawas gawas bisan ha oras pa han ira trabaho.
Basar ha bago nga memorandum nga ini in usa nga dako nga sala nga puydi magresulta ha pagka suspendi hin pira ka bulan o tuig han usa nga empleyado ngan pupuydi pa humantong ha pagkatanggal ha serbisyo kun ini in ma utro pa.
