TACLOBAN CITY– Waray na kinabuhi, an usa nga constrtuction worker, mahuman ine nga madat-ugan hin semento ha iya gintra-trabahuan nga construction sites ha Brgy. Libtong, San Miguel, Leyte.
Ginkilala an biktima kan alyas “Ike”, ada ha legal nga pangidaron ngan residente han Brgy. Abaca, Leyte, Leyte.
Sumala kan San Miguel Municipal Police Station, Duty Investigator, PSSG. Oliver Dagalea, nga subay ha ira gindumara nga imbestigasyon pasado alas 9 hiton aga missing na an biktima, ngan nahipausa an iya mga katrabaho nga sobra oras na nga waray ine nira mahikit-i, sanglit nga dayon ine nira ginpamiling.
Dugang pa ni Dagalea, nahi-abot an mga katrabaho hine ha entrance han ira gin-aayad nga building, kun diin nahikit-an nira an mga tumba nga tunner bag, nga mayda sulod nga 40-50 kasako hiton semento.
Mababaruan nga an nasabi nga mga semento in may nakatabon nga trapal, ngan han ira panginanuon, didto na nira nahikit-an iton patay nga lawas han nasabi nga biktima ngan waray na kinabuhi.
Ginprobaran pa ine nga tagan hin medikal nga atensyon pero, urhi na an mga ine matungod nga waray na kinabuhi an nasabi nga biktima.
Waray naman may nakit-an nga foul play an mga otoridad ha nasabi nga insidente.
