NATIONAL – Iginduon ni Davao City Rep. Paolo Duterte nga dire makakabalik ha Pilipinas hi anay Presidente Rodrigo Duterte samtang hi Presidente Ferdinand Marcos Jr. an presidente.
Dugang pa hine, nag-aampo an ira pamilya nga puhon in makabalik ha Pilipinas an anay presidente, ngunit yana in mas ginpipili nga magpabilin ha The Hague, Netherlands samtang hi Marcos an presidente.
Naghatag gihapon hin update hi Rep. Duterte kasumpay ha panlawas han iya tatay.
Sumala hine, maupay an panlawas han anay presidente, may nadugang nga timbang, sugadman in nagpapabilin nga magasa an iya mga tiil mahitungod han kakulangan hin ehersisyo.
Padayon gihapon ine nga gin aatimanan ha ICC detention facility samtang ginre-review han Pre-Trial Chamber an iya kaso kasumpay han war on drugs.
Gin paabot gihapon ni Cong. Duterte an pag-aghat han anay presidente ha mga Pilipino ngan militar ngan sundon an Konstitusyon ngan proteheran an nasud.
Samtang, naglunsar naman an mga taga-suporta han anay presidente hin signature campaign nga “Tay, Kami Naman!” ha Davao City nga panuyo nga makatirok hin 500,000 nga pirma ngan pakusgon an hibaro han publiko ngan aghaton an Korte Suprema nga aksyunan an mga kaso may paghisumpay ha daw ilegal nga pag-aresto ngan referral han anay presidente ha ICC.
