TACLOBAN CITY – Igin balhin na ha bag-o hine lokasyon an composting facility han Tacloban City mahuman nga ig mando ni Tacloban City Mayor Alfred Romualdez.
An nasabi nga pasilidad nga naghihimo hin organic nga abono tikang ha basura ha merkado nga nasuporta ha mga lokal nga parag-uma in aadto na nahimumutang ha anay dumpsite ha Brgy. Sto. Niño, Tacloban City.
Sumala kan Tacloban City Agriculture Office Head, Romelo Anade, yana la nga tuig in naka-kuha hira hin lima ka-units han community composting facility, bed shedder, ngan biomass composter.
Dugang pa hine, usa ha panuyuan han syudad an magin usa nga organic agriculture city, ngan magigin kilala dire la ha rehiyon kundi ha bug-os nga Pilipinas.
Natikang gudman ha sektor han agrikultura an pinaka-hitaas nga organic gas type mahitungod han mga kemikal ngan pag-gamit han mga synthetic fertilizers kun diin usa ine ha mga nakakadugang ha climate change.
Samtang, an organic agriculture in maupay daw dire la ha para ha panlawas han tawo ngan kalibungan kundi maupay gihapon ine para ha tuna mahitungod nga kun pirme ka ngani nagamit hin organic nga abono in mas nagigin natural an pagtambok han tuna.
