TACLOBAN CITY – Padayon la gihapon nga susundon han Commission on Elections (COMELEC) an naka-eskedyul hini nga pag imprinta han mga balota para han 2022 Brgy and SK Elections ha kaluyo nga waray pa ini kasiguraduhan kun madadayon o dire.
Sumala kan Atty. Ma. Gorretti Cañas, Election Officer han Tacloban City, dayon gihapon an ira pagkarawat han mga certificate of candidacies (COCs) han mga karuyag nga kumandidato ha piniliay nga nakatalaan yana nga Disyembre.
Ginklaro naman han mao nga opisyal nga uutruhon nira an listahan han mga kandidato pananglitan nga dire madayon an eleksyon nga maus-og ini pakadto ha masunod nga tuig.
Kinahanglan daw nga utrohon an listahan tungod nga bangin sunod nga tuig in over-aged na an mga magpapasa hin COC yana labi na an mga makandidato han pagka-SK.
