ENTERTAINMENT – Nagpahayag han suporta hi Claudine Baretto ha iya umangkon nga hi Julia Baretto, mahuman kumpirmahon han aktres an pagbulag nira ni Gerald Anderson.
Ha usa nga Facebook post, ginpaangbit ni Claudine an pahayag kasumpay ha breakup.
Ugsa hini, ha usa nga interview kanda Ogie Diaz ngan Inah Evans, naghatag gihapon hin komento hi Claudine kasumpay ha mga hurob-hurob nga may relasyon hi Gerald ha volleyball player nga hi Vanie Gandler.
Sumala kan Claudine, tarihas ha mga ginyayakan han iba nga “magsangkay la” hira Gerald ngan Vanie, iba daw an impormasyon nga nakaabot ha iya tikang ha mga sangkay niya ha volleyball community.
Samtang, dugang pa hini nga nag-undang na gihapon hiya ha pagkikita han Premier Volleyball League kun diin nagmumulay hi Gandler.
Ginklaro naman hini nga waray hiya personal nga kangaralson ha daraga.
